Home / Cultura / Música e poesía protagonizarán os actos das Letras Galegas en San Sadurniño

Música e poesía protagonizarán os actos das Letras Galegas en San Sadurniño

FERROL360 | Martes 6 maio 2014 | 17:20

As artistas Lucía Aldao e María Lado conforman un proxecto musical que porá a banda sonora á celebración das Letras Galegas en San Sadurniño. Con dez poemas por barba! é o título do seu espectáculo, moi cercano ao público, que combina a poesía e a música.

Xunto ao dúo AldaoLado, estará Xoán Curiel, quen se encargará de facer un repaso polo seu último traballo, titulado Magnético Zen. O disco foi elixido coma o mellor álbum en lingua galega na quinta edición dos premios da música independiente da UFI.

O cantante pop vén de xirar pola Arxentina e, antes de voltar a viaxar cara as Azores, ofrecerá concertos en varios puntos da xeografía galega.

O acto que conmemora o Día das Letras Galegas está programado para as seis da tarde do domingo, día 18 de maio, no Pazo da Marquesa. Este ano está adicado ao poeta e tradutor Xosé María Díaz Castro (Guitiriz, 1914), creador dunha extensa obra poética, entre a que destaca Nimbos, o seu máis relevante traballo.

Ao peche da xornada, a asociación ARTElladas de San Sadurniño entregará os premios da terceira edición do concurso literario en lingua galega, un evento para o que o prazo para presentar os traballos remata o vindeiro 13 de maio. Comprende tres categorías e haberá un vale de 50 euros por gañador en cada unha delas. Máis información no Facebook da asociación.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies