Home / Sociedad / Entidades sociales / Narón e Ledicia Cativa convenian un programa de acollida de nenos das próximidades de Chernóbil

Narón e Ledicia Cativa convenian un programa de acollida de nenos das próximidades de Chernóbil

FERROL360 | Mércores 24 setembro 2014 | 19:50

Narón é o único municipio da comarca que acolle, polo de agora, a nenos refuxiados de localidades próximas a Chernóbil. A través dun convenio anual coa Asociación Ledicia Cativa, o Concello de Narón financiou a estancia de dous nenos procedentes de Briansk, a 175 kilómetros de Chernóbil, que disfrutaron deste verán con familias de acollida do municipio naronés.

O alcalde de Narón, José Manuel Blanco, e o presidente da Asociación Ledicia Cativa, Juan Conde González, asinaron este mércores o convenio de colaboración que fai posible este programa e que supón unha achega económica de 1.000 euros por parte da administración local. Estiveron acompañados pola Concelleira de Acción Social de Narón, Catalina García.

A Asociación Ledicia Cativa é unha entidade sen ánimo de lucro, que promove e desenvolve os programas de acollementos temporais de nenas e nenos procedentes de zonas afectadas por catástrofes nucleares, que lles provocan indefensión e graves problemas de saúde para a infancia.

Actualmente, conta actualmente con 64 familias de acollida en toda Galicia. A entidade, fundada no ano 2002, ten sede en Ourense e adícase a xestionar a viaxe e estancia de menores, con idades comprendidas entre os sete e os 17 anos, en diferentes cidades de Galicia.

Momento da sinatura do convenio (foto: Concello de Narón)

Momento da sinatura do convenio (foto: Concello de Narón)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies