Home / Cultura / Narón envórcase coa celebración das Letras

Narón envórcase coa celebración das Letras

A Praza da Lectura acolle as actividades das Letras en Narón (foto: Concello)

FERROL360 | Martes 17 maio 2022 | 21:15

A Praza da Lectura, nas Vivendas da Mariña de Santa Icía, acolleu este martes os actos deseñados polo Concello con motivo do Día das Letras Galegas. O programa N de Narón, a festa das letras incluíu varias propostas, todas elas de balde, dirixidas a público familiar e comezou a desenvolverse baixo unha carpa instalada na zona ás 12:00 horas, co espectáculo Diferentes diferenzas, de Silvia Penide.

Ás 12:45 foi a quenda de Xarope Tulú, que representou a peza de teatro interactivo Rilla, Rilla a través do que aprender galego e moi dinámico, para que o público, que foi o protagonista, tivese a oportunidade de interactuar. A programación seguiu pola tarde cun obradoiro de pintura sobre cartón reciclado e a representación de Jara Ortiz co seu espectáculo Lúa triangular.

Tamén houbo tempo para a narración oral e a música de Aldaolado coa súa Ovella Engracia e o peche con As Efémeras e o concerto das Letras. Ademais, durante todo o día participaron as librarías locais Day e Pasapáxina, organizando as sinaturas de libros de Miguel Anxo Romero, Leandro Lamas e Paula Merlán. A Biblioteca municipal participou así mesmo amosando na carpa varias das publicacións de Florencio Delgado Gurriarán, homenaxeado este ano.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies