Home / Ferrol / Narón / Narón oferta cinco cursos formativos do programa municipal «Habilita 2016»

Narón oferta cinco cursos formativos do programa municipal «Habilita 2016»

FERROL360 | Luns 7 marzo 2016 | 10:08

A Concellería de Formación de Narón oferta cinco acción formativas para persoas desempregados da localidade, e maiores de 18 anos, dentro do programa municipal «Habilita 2016». Así, hai cursos de peixeiro; electricidade básica; panadería e bolería; xestión de almacén-carretilleiro e conversa en inglés.

As accións formativas impartiranse no Centro Municipal Irmás Froilaz entre os meses de abril e xullo, dependendo da opción elixida, e poderán beneficiarse das mesmas un total de 75 persoas, quince por cada curso. O prazo de inscrición, nun máximo de dous cursos, rematará o 23 de marzo.

O curso de peixeiro terá unha duración de 300 horas e desenvolverase do 1 de abril ao 28 de xuño; o de electricidade básica terá a mesma duración e impartirase do 4 de abril ao 29 de xuño. O de panadería e bolería, unha das novidades do programa, consta de 310 horas formativas desde o 8 de abril ata o 7 de xullo. Nos tres realízanse prácticas en empresas, cunha duración de 100 horas.

As sesións de xestión de almacén-carretilleiro terán unha duración de 100 horas e, as de conversa en inglés de 80 horas, se ben nestas últimas é un requisito imprescindible ter uns coñecementos mínimos dese idioma, debendo superar os aspirantes ás prazas unha proba de nivel.

A concelleira de Formación, Natalia Hermida, destacou o compromiso do goberno local con esta área e asegurou que «con este tipo de cursos ofrécese ás persoas desempregadas a posibilidade de formarse en distintas materias, o que sen dúbida, no caso de finalizar con éxito as sesións, lles permitirá ter máis facilidades á hora de optar a un posto de traballo».

Así mesmo, Natalia Hermida animou ás persoas que cumpran os requisitos establecidos a inscribirse nos cursos e agradeceu «a colaboración que sempre nos prestan as empresas para completar aínda máis a formación do alumnado».

Inscricións

As persoas interesadas en anotarse deben cumplimentar unha instancia dispoñible no Rexistro Xeral do Concello e na web municipal. Teñen que entregar os documentos no Rexistro municipal de luns a venres, en horario de 8.30 a 13.30 horas.

As prazas cubriranse por rigorosa orde de inscrición. O alumnado que resulte admitido recibirá unha comunicación do Concello para que presente a documentación requerida nestes procedementos, para o que disporá dun prazo de tres días desde esa comunicación.

Para obter máis información pódese contactar co persoal do Servizo Sociocomunitario, a través do número de teléfono 981 337 700 (extensións: 1123/ 2602/ 1120 e 1107)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies