Home / Sociedad / Tendencias / Gastronomía / Narón pon en marcha un obradoiro de cociña saudable para homes

Narón pon en marcha un obradoiro de cociña saudable para homes

FERROL360 | Xoves 25 setembro 2014 | 17:30

Os grandes chefs serán na súa maioría homes, pero nas nosas casas as que cociñan día a día son as mulleres, non si? Pois os homes tamén deben poñerse mans á obra e coller a tixola polo mango. E agora teñen unha estupenda oportunidade porque o Concello de Narón pon en marcha un obradoiro de cociña saudable para eles.

A Concellería de Promoción Social abre este xoves o prazo de inscrición para este obradoiro dirixido a homes a partir de 18 anos de idade. As solicitudes deberán presentarse no Servizo Sociocomunitario Municipal, situado na 1ª pranta do Concello, e existen 24 prazas disponibles. O obradoiro ten carácter gratuito.

Os participantes aprenderán a elaborar receitas saudables e sinxelas, a manipular alimentos e útiles de cociña, a realizar a limpeza doméstica e a organizar a compra, así como técnicas e preparación de alimentos.

Os obradoiros realizaranse nos centros comunitarios de Casas da Mariña en Santa Icía e Manuela Pérez Sequeiros, O Alto, e terán unha duración de 25 horas divididas en seis xornadas. Serán os venres e sábados de 16:30 a 20:30 horas.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies