Home / Cultura / Narón recrea as ‘Lendas da Pena Molexa’ este sábado

Narón recrea as ‘Lendas da Pena Molexa’ este sábado

FERROL360 | Venres 21 xuño 2019 | 9:22

Este sábado a zona do Castro de Vilasuso, no Val, vivirá unha nova Recreación das Lendas da Pena Molexa, que este ano chega á súa vixésimo segunda edición. Para esta xornada programáronse varias actividades, que comezarán ás 18.00 horas cunha sesión de Xogos tradicionais e Deporte rural.

Máis chegada a noite, a partir das 20.00 horas, haberá unha churrascada popular que dará paso, ás 22.00 horas, a unha verbena tradicional galega amenizada polos grupos Pesdelá e A Banda das Crechas e que presentará Isabel Risco.

Como cada ano, ás 00.00 horas, comezará a Recreación das Lendas da Pena Molexa, coa representación protagonizada por alumnado da Escola de Formación de Actrices e Actores do Padroado da Cultura de Narón.

Estas lendas contan a historia dunha moura que se convertiu en rocha nesta zona, nunha noite que coincidía co solsticio de verán. Ás 00.30 horas haberá unha Lumeirada popular.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies