Home / Actualidad / Navantia e Defensa avanzan na PDR das fragatas F-110

Navantia e Defensa avanzan na PDR das fragatas F-110

FERROL360 | Luns 17 maio 2021 | 14:11

Navantia e o Ministerio de Defensa están a realizar neste mes de maio a Revisión de Diseño Preliminar (Preliminary Design Review, PDR) do programa das fragatas F-110. A PDR é un fito relevante do programa e desde a compañía pública salientan que os grupos de traballo conformados do Ministerio están a dar resultados excelentes.

Froito dese traballo, indica Navantia, estase a dar solución a cuestións moi complexas e, en ocasións novas, que afectan a este proxecto. Cuestións que afectan a disciplinas como a ciberseguridade, sistema de servizos integrados, espazo multimisión e xemelgo dixital.

Desde Navantia sinalan que estes puntos farán da F-110 unha fragata dunhas capacidades novas e un gran valor engadido, que converterá ao estaleiro en referente mundial no deseño e fabricación deste tipo de buques.

A revisión culminará con dúas sesións técnicas que se celebrarán este mércores e xoves en modalidade mixta, presencial no estaleiro de Navantia Ferrol e telemática. Estas sesións estarán presididas polo xefe de Programa F-110 da Dirección General de Armamento y Material (DGAM), capitán de navío José Antonio Toro Fernández.

Finalmente, o venres terá lugar o panel executivo da PDR, presidido polo subdirector xeral de Programas da DGAM, xeneral de brigada León Antonio Machés Michavila e con participación de autoridades de Defensa e da Armada. A compañía pública salienta que con este calendario cúmprese o plan establecido pola empresa para esta proba.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies