Home / Cultura / Neda celebrará o próximo 2 de xuño o II Certame de Pintura Rápida ó aire libre

Neda celebrará o próximo 2 de xuño o II Certame de Pintura Rápida ó aire libre

Xente pintando na rúa (foto: cedida)
Xente pintando na rúa (foto: cedida)

FERROL360 | Miércoles 22 mayo 2019 | 13:42

O vindeiro 2 de xuño é a data escollida polo Concello de Neda para organizar o II Certame de Pintura Rápida ó aire libre. O Concello espera repetir o éxito da primeira edición que convocou a 37 participantes. As persoas interesadas en participar poden inscsribirse ata o día do certamen na Casa das Palmeiras, lugar onde se celebrará o acto.

A organización quere incentivar aos cidadáns para que presenten as súas obras e destina 2.000 euros en premios dos cales o gañador levase 1.000 euros e un diploma. O segundo e o terceiro recibirán 500 e 300 euros, respectivamente.

Ademais, haberá unha categoría especial para á xente de Neda que deberá acreditar a súa vinculación co Concello mediante o pago dun imposto ou xustificante do padrón. O gañador ou gañadora ao premio local percibirá 200 euros e un diploma.

Cada participante pode escoller o estilo e a técnica que desexe así como presentar unha soa obra. A temática xirará en torno á paisaxe, o espazo físico e as súas xentes e costumes.

Outro requisito é o soporte do cadro que debe ser ríxido e presentarse nunha única cor de fondo. As medidas deben estar entre os 50×50 centímetros de mínimo e os 100×81 centímetros de máximo.

Cada artista deberá aportar o material que considere necesario para facer o seu traballo, incluído o seu cabalete, no que se expoñerá a súa obra posteriormente.

Os cadros escollidos terán que ser presentados entre ás 16:00 e 17:00 horas na Casa das Palmeiras. A continuación, darse a coñecer o nome do gañador ou gañadora.

Unha vez finalizada a entrega dos galardóns, os artistas dos cadros non premiados poderán asinar as obras realizadas e poñelas á venda ata as 20:00 horas.

As obras premiados pasarán a ser propiedade do Concello de Neda ou das persoas ou entidades que os patrocinen, así como os dereitos de reprodución.

As persoas interesadas poden incribirse a través do correo electrónico cultura@neda.es ou ben o mesmo día do certame, entre as 9:00 e as 11.00 horas na Casa das Palmeiras sita na rúa Algeciras número 47.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies