Home / Opinión / De quen vés sendo? / No dia 1 de outubro: Mambo!

No dia 1 de outubro: Mambo!

BRUNO LOPES TEIXEIRO | De quen vés sendo? | Sábado 30 setembro 2017 | 14:04

Os e as independentistas galegas estamos espectantes a pouco menos de 48 horas dumha jornada histórica no Principat de Catalunya. Já passárom 8 anos desde aquela primeira consulta popular em Arenys de Munt, lá em 2009, 8 anos em que mudárom muitas cousas na correlaçom de forças do espaço soberanista.

Nom podemos obviar que a tipla crise que vive o Estado espanhol –económica, democrática e territorial– acelerou o processo. A involuçom do Estado num processo destituinte em que o povo trabalhador perdeu direitos e liberdades tivo a sua resposta na rua, com destaque para os Països Cataláns. Estas mobilizaçons fôrom as que criárom as condiçons de ruptura com o regime de 78 e o sujeito político passou a ser o povo trabalhador.

Após as eleiçons autonómicas de 2015, a composiçom do Parlament permitiu o avanço em direçom à autodeterminaçom do povo catalám, tendo a esquerda independentista representada pola CUP e outras organizaçons um rol ativo de caráter estratégico fundamental.

No dia 1 de outubro, o povo catalám tem muito em jogo, mas nom só; o resto de povos do Estado espanhol também.

É por isso que toda aquela pessoa que se considerar um democrata, nom tem que ser independentista, nom tem outra opçom que apoiar o Referendo de 1 de outubro. Nom há lugar para a equidistância: ou estás com a democracia ou estás com o poder, o statu quo e o Estado mais reacionário.

É por isso que a ambigüidade com que jogam os batoteiros da esquerda espanhola, com Podemos à cabeça, e o seu coro de palmeiros nas Galiza, torna insoportável. Os argumentos de “cunhadismo” da esquerda tricórnio pondo em questom a legitimidade e validade dum referendo nom pactuado com os herdeiros do franquismo coloca-os mais perto do Regime do que da democracia. Os “vivas” à Guarda Civil da bancada “morada” som clarificadores.

O outro dos argumentos mais manidos pola esquerda tricórnio e o de que é um processo dirigido pola oligarquia catalá, mas esquecem as leis aprovadas polo Parlament e tombadas polo Estado espanhol. Leis como o da igualdade efetiva entre mulheres e homes, contra os despejos, impostos, pobreza energética, impostos aos movimentos de capital… leis que suporiam avanços nas liberdades e direitos das pessoas.

Que nom se equivoquem Garzón, Pablo Iglesias, Errejón ou Yolanda Diaz: a única estratégia para quebrar o regimem de 78 nom é o centralismo constiuinte, nom. A única alternativa, como di Mireia Vehí, e o foquismo constituinte, no sentido mais guevariano do termo.

Ainda tenhem 48 horas para nom passar à lixeira da história como os seus precessores, aqueles que traírom a guerrilha antifranquista e assinarom a Constituiçom, e darem apoio ao referendo.

O povo catalám está perante, talvez, o maior reto da sua história e nom o vai ter fácil. É por isso que precisa de todo o apoio exterior possível. Chegou a hora da ternura dos povos. Chegou a hora do mambo!

Un comentario

  1. Sus ideas cercanas al nazismo y su inventado idioma sólo le hacen merecedor de recordarle que los nacionalistas gallegos tienen un diez por ciento de representantes en la cámara legislativa, por lo que su contradicción es evidente… o no tanto, ya que lo que pretenden es IMPONER su ideología filocomunista. Gracias a Dios los gallegos no somos idiotas.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies