Ferrol360 Un giro a la actualidad comarcal.
FERROL360 | Sábado 28 novembro 2015 | 13:28
Os afecionados á bicicleta teñen este domingo unha cita cunha nova edición das Marchas ciclistas populares organizadas polo Concello de Ferrol en colaboración co Club Ciclista. A ruta, de 10 quilómetros, está adaptada para todas as idades e todos os públicos.
O roteiro comezará ás 11:00 horas na praza de Armas e finalizará no mesmo lugar, tras percorrer a rúa Rubalcaba, a praza de Canido, a estrada de Catabois, chegar ao CHUF, voltar por Santa Marina e Manuel Belando, ata chegar á praza de Portanova para proseguir pola estrada de Castela ata rematar de novo fronte ao Concello.
Ao termo haberá un sorteo de agasallos. A inscrición é gratuíta e realizarase o mesmo día da marcha, no punto de inicio. As marchas celébranse os últimos domingos de cada mes e irase aumentando a distancia, ata rematar o 26 de xuño coa máis longa, de 15 quilómetros de lonxitude.
