Home / Cultura / Nove espectáculos para público infantil ata finais de ano no Pazo da Cultura de Narón

Nove espectáculos para público infantil ata finais de ano no Pazo da Cultura de Narón

FERROL360 | Venres 4 outubro 2019 | 19:08

O Pazo da Cultura acollerá entre neste último trimestre do ano un total de nove espectáculos dirixidos ao público infantil. Teatro xestual, música, circo, comedia, monicreques e ópera forman parte das propostas desta programación, organizada en colaboración, entre outros, coa Rede Galega de Teatros e Auditorios, o Agadic e a Deputación da Coruña.

A alcaldesa da cidade e presidenta do Padroado da Cultura, Marián Ferreiro, destacou o feito de que «as compañías galegas teñen un papel moi destacado na programación deste último trimestre do ano, no que é unha aposta do Padroado da Cultura por continuar apoiando o gran traballo que na área cultural se está levando a cabo dende hai anos en Galicia».

Este domingo a compañía Avento Producións representará a obra Hansel e Gretel, a partir das 18.00 horas. Trátase dunha comedia musical, de case unha hora de duración e en galego dirixida a público familiar e infantil, a partir de 3 anos.

A vindeira cita será o venres 11 de setembro, ás 20.30, co concerto No Camiño, do grupo Setestrelo. Trátase dunha presentación en galego, teatralizada, canto e música na que se realiza un percorrido polos diversos Camiños de Santiago que entran en Galicia.

A última proposta deste mes será o espectáculo La banda del otro-Yee Haw, da compañía Hermanos inconfundibles. Poderá verse o 20 de setembro, ás 18.00 horas e diríxese a todos os públicos.

No mes seguinte a programación comezará coa compañía Teatro do Noroeste, que o día 3 de novembro, ás 18.00 horas, representa o espectáculo Animais de compañía, en galego e para público infantil a partir de 6 anos.

A toupiña que quería saber quen lle fixera aquilo na cabeza, da compañía A xanela do Maxín, poderá verse o día 17 de novembro no Café Teatro do Pazo da Cultura ás 18.00 horas e diríxese a público infantil a partir de 2 anos.

O día 24 de novembro poderá verse Ñam!, de Caramuxo Teatro, ás 18.00 horas no Café Teatro do Pazo. Esta comedia está dirixida a bebés a partir de 1 ano. É un espectáculo moi visual e no que o teatro se mistura coa danza en clave de comedia e centrado no mundo da cociña, prestando especial atención a todos os sentidos.

Xa o 1 de decembro terá lugar El viaje de Ulises, de Teatro Gorakada, a partir das 18.00 horas. A temática xira sobre a viaxe de Ulises como metáfora da vida, a loita contra as dificultades e como resolvelas, coas aventuras moi presentes e os xogos compartidos.

A ópera será a protagonista o día 7 de decembro, ás 20.00 horas, con O loro de Carlos V, da Ópera infantil coa Orquestra Sinfónica de Galicia. Spiridon, o loro favorito do emperador escapou e ninguén se atreve a dicirllo ao monarca pero acaba enterándose e ofrece unha recompensa a quen o atope, que será unha parella de labregos.

O último dos espectáculos programados é El Pekemusical de la Navidad, o día 20 de decembro, ás 18.00 horas. A compañía Tertulia Producción traerá ao Pazo este espectáculo, centrado no Nadal.

As entradas para estes espectáculos poden adquirirse na billeteira do Pazo, de luns a venres enre as 9.30 e as 14.00 e de 17.00 a 20.30 horas e os sábados de 9.30 a 14.00 e de 17.00 a 20.00 ou a través da web do Padroado da Cultura.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies