Home / Cultura / O Apalpador percorrerá Ferrol o vindeiro 20 de decembro

O Apalpador percorrerá Ferrol o vindeiro 20 de decembro

MARTA CORRAL | Ferrol | Sábado 5 decembro 2015 | 12:31

O Apalpador, o xigante carboeiro que vén polo Nadal para encher os bandullos dos cativos cunha presa de castañas desexándolles que estean así de fartos todo o ano, chega un ano máis a Ferrol da man da Fundaçom Artábria, mais, desta volta, tamén contará por primeira vez dende a estrea da súa primeira ruada na cidade naval aló polo 2008 coa colaboración do Concello.

A presentación da iniciativa tivo lugar este venres no concello, contando coa presenza do concelleiro de Cultura, Suso Basterrechea e máis dun responsable da Fundaçom, Bruno Lopes.

Pola súa banda, Basterrechea destacou o «mérito» dos esforzos feitos pola entidade para recuperar esta e outras das tradicións «do país», ate o de agora sen axuda das institucións, reiterando o compromiso do actual goberno para apoiar as iniciativas dunha das «asociacións máis dinámicas e menos apoiadas da cidade».

Ruada e concurso de debuxo escolar

Bruno Lopes explicou que será o vindeiro domingo 20 de decembro cando o Apalpador percorra Ferrol desde as 16:30 horas, saíndo da súa sé en Esteiro até o barrio da Madalena, e repartindo agasallos aos cativos ao seu paso co obxectivo de «fidelizar esta figura da cultura galega» entre os ferroláns.

Ademais, Lopes explicou en que consiste o concurso escolar de debuxo Conhecendo O Apalpador, no que participan os centros da comarca e tamén doutros municipios galegos coma Compostela, e que este ano celebra a súa cuarta edición.

Poderán participar nenos en tres categorías: de 3 a 5 anos, de 6 a 8 anos e de 9 a 12 anos. As bases poderán consultarse no seu blogue e, tanto os premios coma a súa difusión «pegou un salto cualitativo coa axuda este ano do Concello».

Lopes non descarta que o Apalpador poida ter unha xuntanza co rexedor, Jorge Suárez, e, quen sabe, dentro dun tempo, «alén dunha árbore de Nadal na praza do concello tamén teñamos a figura dun xigante carboeiro do Courel».

2 comentarios

  1. Figura de gran tradición y raigambre en nuestra ciudad, sí señor. La próxima será celebrar el Mardi Gras o el Día de Acción de Gracias… o ayunar por el Ramadán. Qué tropa, madre mía!

  2. Cuando los chavales lo vean aparecervpor las calles ….salen por patas.
    Hace falra ser memos!

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies