Home / Actualidad / O BNG celebra a FestAberta este sábado en San Valentín con concertos e xantar

O BNG celebra a FestAberta este sábado en San Valentín con concertos e xantar

REBECA COLLADO | Ferrol | Martes 15 xullo 2014 | 13:25

O BNG de Ferrolterra organiza distintas actividades con motivo do Día da Patria Galega. Así, desenvolverá actos políticos, reivindicativos e festivos que terán como punto álxido a manifestación do vindeiro 25 de xullo en Santiago de Compostela que este ano ten como lema: «En pé por Galiza! Soberanía, democracia, dereitos».

A coordinadora comarcal do BNG, Mercedes Tobío, explicou que o lema responde á necesidade de estar en pé «en defensa dos ataques» que se están producindo nos sectores da sociedade. Ademais, denunciou que o PP está «ao servizo de todo menos das clases populares» e advertiu que Galicia «debe estar presente» no debate que se vai abrir en todo o Estado sobre a autodeterminación.

En canto ás actividades a celebrar, arrancarán este mércoles ás 20:00 horas na Praza do Himno Galego cun acto aberto no que participará o voceiro do BNG no Parlamento Galego, Francisco Jorquera, que se referirá á orientación política da celebración deste ano.

Por outra parte, o sábado 19 de xullo terá lugar a FestAberta que comezará ás 13:30 horas en San Valentín, en Fene, e que contará cun xantar de confraternización e distintos concertos. A festa prolongarase durante todo o día. Tamén o día 19 o BNG repartirá en Ferrol, nun lugar aínda por determinar, bandeiras da Patria para que sexan expostas en coches ou xanelas.

Xa en Santiago de Compostela, o día 24 de xullo celebrarase o Festigal, no Campus Sur. E o día 25 terá lugar a manifestación que comezará ás 12:00 horas. Para asistir á protesta reivindicativa e festiva, o BNG disporá dun servizo de buses que sairá ás 10:00 e regresará ás 19:00 horas. O prezo é de 5 euros, agás as persoas que non teñan disponibilidade económica.

Os puntos de recollida de xente serán o Jofre, Caranza, Fene e Vilar do Colo. As inscricións poden facerse no local comarcal do BNG ou ben chamando ao 981.36.40.58.

Actos dia da patria

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies