Home / Actualidad / O BNG de Cabanas pide a dimisión de Castrillón ao proclamarse candidato por Narón

O BNG de Cabanas pide a dimisión de Castrillón ao proclamarse candidato por Narón

Iago Varela é o candidato nacionalista á Alcaldía de Cabanas (foto: BNG)
Iago Varela é o candidato nacionalista á Alcaldía de Cabanas (foto: BNG)

FERROL360 | Sábado 3 novembro 2018 | 19:36

Logo de confirmarse os rumores que situaban ao actual alcalde de Cabanas, Germán Castrillón, como candidato popular á Alcaldía de Narón, o BNG vén de esixir a súa «dimisión inmediata».

O voceiro e candidatos dos nacionalistas en Cabanas, Iago Varela, asegorou que o rexedor «nunca tivo a Cabeza en Cabanas. O único que lle importou desde que accedeu á Alcaldía do noso concello foi o seu propio beneficio e o do PP».

Engade Varela que «a confirmación da súa candidatura polo PP de Narón incapacítao para seguir un minuto máis ao fronte da alcaldía de Cabanas», lamentando a «pouca valentía» de Castrillón ao non dicilo no derradeiro pleno municipal.

Desde o BNG defenden que o mandado do popular pasará a historia como «os anos escuros», lembrando a súa subida de soldo, a polémica das dietas de AEC ou a aprobación dun PXOM que «aspira a facer de Cabanas a Marbella galega e que hipotecará futuros gobernos municipais e eliminar calquera forma de participación veciñal na vida municipal».

Comentar

Su dirección de correo electrónico no será publicada.Los campos necesarios están marcados *

*