Home / Cultura / O debuxante David Pintor impartirá un obradoiro de caricaturas en Fene o vindeiro luns

O debuxante David Pintor impartirá un obradoiro de caricaturas en Fene o vindeiro luns

FERROL360 | Luns 17 novembro 2014 | 19:01

O obradoiro que impartirá o vindeiro luns David Pintor (Pinto&Chinto) no Museo do Humor de Fene leva por título «Seguro que sabes o que é un caricatura?». Dirixido a nenos de máis de dez anos e público adulto, plantéxase coma un obradoiro teórico-práctico no que o debuxante falará sobre o seu traballo como caricaturista e no que amosará unha selección das súas obras.

A cita será de 16:30 a 18:00 horas e se inclúe na programación de actos do XXX aniversario do Museo do Humor de Fene. Ao remate do obradoiro, David Pintor realizará algunha caricatura en vivo. A actividade é completamente gratuíta e, para anotarse, tan só é preciso chamar ao teléfono 981.34.24.00 de luns a venres, de 8:00 a 14:30 horas.

David Pintor é un dos humoristas gráficos, ilustradores e pintores galegos máis internacionais. Dende o ano 1993 forma parella profesional con Carlos López, Pinto&Chinto, co que publica a diario as súas viñetas no xornal La Voz de Galicia.

No ano 2011 foi finalista dos premios CJ Picture Book Awards e foi incluído na lista The White Ravens; tamén foi seleccionado para expoñer a súa obra en varias edicións da Bienal de Ilustración de Bratislava e da Feira Internacional do Libro Infantil e Xuvenil de Bolonia.

Recibiu, entroutros o Premio Internacional Clermont-Ferrand de cadernos de viaxe e o Premio Ilustrador do Año Città del Sol.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies