Home / Actualidad / O edil de San Sadurniño, Suso Soto, levará as áreas de Contratación, Patrimonio e Equipamento na Deputación

O edil de San Sadurniño, Suso Soto, levará as áreas de Contratación, Patrimonio e Equipamento na Deputación

FERROL360 | Xoves 23 xullo 2015 | 10:44

O concelleiro de Facenda e Servizos sociais de San Sadurniño, Suso Soto, entra a formar parte do goberno da Deputación Provincial de A Coruña levando as áreas de Contratación, Patrimonio e Equipamento. Así, xestionará os expedientes de contratación, a administración de todos os bens e propiedades do organismo provincial.

Despois da constitución da corporación hai uns días, este martes quedou formada a Xunta de Goberno do entre provincial, que estará composta por seis representantes do PSdeG-PSOE e cinco do BNG. Aínda que son once membros, só nove deles, ademais do presidente, o socialista Valentín González Formoso, terán asignadas competencias xestoras dentro do organigrama provincial.

Agora falta por convocar o pleno de organización para dar conta das resolucións referidas á conformación do goberno. Nel tamén se someterán a acordo as propostas sobre a periodicidade das sesións plenarias, a composición das comisións informativas, as indemnizacións e retribucións aos membros da corporación e a determinación do cadro de persoal eventual.

Cabe lembrar que Soto xa formou parte da corporación provincial nos últimos catro anos na bancada da oposición.

Suso Soto, edil do Concello de San Sadurniño, entra no goberno da Deputación (cedida)

Suso Soto, edil do Concello de San Sadurniño, entra no goberno da Deputación (cedida)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies