Ferrol360 Un giro a la actualidad comarcal.
FERROL360 | Martes 6 outubro 2015 | 9:38
A mostra «Un universo de luz» consta de 20 paneis onde se pode apreciar dende a primeira luz do cosmos ata o sistema visual humano, pasando por fenómenos como os espellismos, as auroras polares ou os arcoíris. A exposición está aberta ao público no IES Fernando Esquío de Neda ata o vindeiro 20 de outubro en horario de das 9:00 a 14:00 horas e os xoves de 16:20 ás 18:00 horas.
«Un universo de luz» revela as propiedades da luz e describe as súas principais aplicacións, resaltando o papel que xogan no noso día a día. Ferramentas como os microscopios, os dispositivos de iluminación, o láser ou a fibra óptica son as protagonistas desta mostra, na que tamén teñen cabida a evolución da luz na arte, o seu emprego na produción enerxética ou os usos en medicina.
A exposición foi realizada polo Consello Superior de Investigacións Científicas (CSIC) co apoio da Fundación Española para a Ciencia e a Tecnoloxía (FECYT), no marco da celebración en 2015 do Ano Internacional da Luz e as Tecnoloxías basadas na Luz, declarado así polas Nacións Unidas.
