Home / Actualidad / O pleno da Deputación da luz verde ao proxecto de ampliación da estrada Ares-Chanteiro

O pleno da Deputación da luz verde ao proxecto de ampliación da estrada Ares-Chanteiro

FERROL360 | Venres 27 febreiro 2015 | 18:24

Novo paso para que a ampliación da estrada Ares-Chanteiro sexa unha realidade. A Deputación de A Coruña ven de aprobar este venres en pleno a primeira fase do proxecto de ampliación e mellora do trazado desta estrada.

O proxecto inclúe actuacións dende o inicio da estrada ata a glorieta de Chanteiro, o que supón preto de catro quilómetros de obras. Neste tramo se ensanchará a calzada, que pasará a ter dous carrís de 3,5 metros cada un (agora miden 2,7 metros), e unha plataforma peonil de dous metros de ancho na marxe esquerda, separado por un beiravía con bordo.

Ademais, nos lugares de Cervás e Chanteiro vanse executar dúas glorietas rebasables para acondicionar e reordenar as interseccións coa DP 0403 e cun camiño veciñal do entorno. Tamén se mellorará a sinalización nos viarios anexos.

Aproveitando a actuación, realizaranse obras de saneamento e iluminación. Vaise mellorar a rede de recollida de pluviais nos tramos con beirarrúas, nas plataformas peonís, e as augas superficiais serán evacuadas ao exterior da calzada.

O firme será renovado con tratamento superficial, capa de rodadura e rego de adherencia e imprimación, capas de grava e zahorra artificial. O proxecto implica varios muros de contención, execución de terrapléns e desmontes.

En total, o investimento está preto dos 1,5 millóns de euros, dos que 1,2 millóns están destinados aos traballos e outros 223.000 euros para as expropiacións de fincas necesarias para a ampliación da calzada. O proxecto está incluído no Plan de Investimento de Vías Provinciais 2015.

Actuacións en viarios de Moeche

Por outra banda, en Moeche, a Deputación colaborará na mellora da capa de rodaxe do mercado con 240.249 euros. Neste proxecto, que asume en solitario a institución provincial, tamén se mellorarán as estradas de Casanova a Canosa (Abade), Casanova a Xanfero (Abade), San Ramón a Pardiñas-Río Vello, Folgosa a Vilazanche, Porto da Pena a Santa Cruz; e o camiño de Santa Cruz a Amosa.

Os traballos incluirán a apertura de cunetas, a limpeza e sinalización vertical, segundo as necesidades de cada viario. En total, actuarase ao longo de 11.430 metros.

Publicidad

Banner Plan de Igualdade do Concello de Ferrol

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies