Home / Actualidad / O pleno de Narón apoia aos afectados da Cooperativa de Pedroso e á moción sobre o sector naval

O pleno de Narón apoia aos afectados da Cooperativa de Pedroso e á moción sobre o sector naval

FERROL360 | Jueves 30 abril 2015 | 20:29

Narón acolleu este xoves o Pleno Ordinario correspondente ao mes de abril, no que se aprobou por unanimidade unha declaración institucional en apoio ós afectados da Cooperativa de Pedroso, que se atopa inmersa nun procedemento concursal dende xuño de 2014.

Dita cooperativa, ademais doutras seccións e servizos, contaba cunha sección de crédito bancario que dende o inicio do proceso concursal ten bloqueadas as súas contas, que segundo información trasladada polos socios, superan os 1,5 millóns de euros.

En xuño de 2014 os afectados descubriron a situación real na que se atopan os seus aforros, que foron destinados a pagar as perdas que xeraban dende fai 8 anos a sección do supermercado e agrotenda, sen ter eles coñecemento. Nas asembleas anuais informábaselles destas perdas pero sempre lles dixeron que o seu capital estaba asegurado e tampouco lles informaron das auditorías realizadas dende 2008, as cales recomendaban o cese da actividade polas perdas desta entidade.

Na actualidade, o único plan de viabilidade formulado polos xestores da Cooperativa de Pedroso propón unha quita do 50 % e empezar a recuperar os seus aforros a partir do ano 2018. Sempre que o supermercado xere beneficios: «Estamos a falar de case 200 persoas que teñen nesa cooperativa moitos cartos depositados en contas correntes, algúns os aforros de toda unha vida, o que lles supón neste momento verse sen liquidez coa que facer fronte ás súas vidas, ata o punto de ter que buscar axuda para pedir créditos en bancos para poder sobrevivir. Son persoas que están a reclamar o seu, os seus cartos, a súa dignidade, polo que dende o Concello de Narón a Corporación Municipal quere manifestar o seu apoio por medio desta declaración institucional» reza o comunicado, aprobado por unanimidade.

Moción en defensa do sector naval

Seguidamente, foi aprobada por unanimidade unha declaración institucional relativa á situación da ría de Ferrol. Este texto expresa o apoio da Corporación Municipal e fai un chamamento á participación cidadá na mobilización do 10 de maio en defensa do sector naval. Tamén acorda instar a declaración de Navantia como empresa estratéxica na comarca na construción naval civil e militar, e demanda a participación dos traballadores no Plan Industrial que asegure a sustentabilidade da Compañía.

Outros acordos recollidos nesta declaración son: a esixencia da posta en marcha inmediata do proxecto de fragata F-110, o impulso do proxecto do Buque de Acción Marítima, a construción dun dique de reparacións e dotar a Navantia de carga de traballo no sector civil e nas enerxías renovables.

Tamén se reclama a capitalización e posta en marcha dun Plan de investimentos e modernización dos estaleiros que potencie a investigación e a innovación como elemento diferencial e que aporte o imprescindible valor engadido. O rexuvenecemento do cadro de persoal para garantir a continuidade de todos os centros de traballo coa entrada de mocidade nas diversas actividades, sen que iso signifique unha redución da capacidade nin do emprego. E a descentralización da toma de decisións especialmente nas áreas estratéxicas de enxeñería, compras, aprovisionamentos e comercial, e o desenvolvemento da Lei do naval de Galicia aprobada polo Parlamento galego.

Por último, solicítase o compromiso de Navantia na vixilancia do cumprimento das condicións sociolaborais, especialmente na IIAA así como impulsar colaboracións para a formación da mocidade tanto de FP como de Enxeñería.

Modificación de crédito

Tamén se aprobou unha modificación de crédito por importe total de 130.867,77 euros, que se destinarán ao investimento e reposición de elementos de centros educativos (33.946 euros), convenios con entidades deportivas (18.947 euros), axudas sociais (18.750 euros) e ó proxecto de construción do novo Local Social Municipal de O Alto (15.000 euros). O PP abstívose neste punto, e o resto de partidos votaron a favor.

Publicidad

Banner Odeon

Fashion Night Ferrol

2 comentarios

  1. Los afectados por la Cooperativa de Pedroso,claro que tienen sus cuentas bloqueadas,pero nadie publica que las cuentas estan vacias,no hay dinero,lo han perdido por la mala gestion y las mentiras del Consejo Rector.Que facil resulta jugar con los ahorros de los demas!!QUE VERGUENZA dejar a estas personas sin un euro!! Cuidado con confiar tus ahorros a las cooperativas como la de Pedroso,el proximo puedes ser tu.Estos ahorradores lo han PERDIDO TODO, los han.timado.Solo les queda la protesta.Teneis todo mi apoyo.

  2. Pero estos de naron no decían que eran el Concello referencia de galicia en industria y ahora hablan de navantia de la ría de Ferrol , siempre seréis un barrio y siempre dependeréis de Ferrol en todo , sanidad con los hospitales , en trabajo con los astilleros , colegios , universidad….. Si renegáis de Ferrol no tenéis ningún derecho a reclamar nada en el tema del naval , por ser no sois ni referencia en la comarca .

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies