Ferrol360 Un giro a la actualidad comarcal.
FERROL360 | Venres 17 maio 2019 | 7:54
O vindeiro sábado 18 de maio o centro cultural Torrente Ballester acollerá a primeira edición do Festival da Democracia, unha cita que recala en España por primeira vez para explorar, dun xeito orixinal e divertido, as distintas formas de participación na construción do Ferrol e da Europa do futuro.
Trátase dun evento organizado pola entidade Xeración coa colaboración do Concello, con entrada de balde. De 11:00 a 15:00 horas haberá diferentes actividades para persoas de todas as idades amenizadas con música en directo e un InfoMarket de entidades sociais.
Pola tarde, desde as 18:00 horas, haberá unha serie de presentacións curtas nas que oito persoas expertas contarán as súas reflexións inspiradoras en menos de 20 minutos baixo o título Vitaminas para a mente. A programación pode consultarse polo miúdo nesta ligazón.
