Home / Cultura / O Sonoro Maxín ofrece este sábado un concerto en Dzine

O Sonoro Maxín ofrece este sábado un concerto en Dzine

FERROL360 | Mércores 19 marzo 2014 | 19:17

O grupo ourensán O Sonoro Maxín continúa movendo polos escenarios o seu primeiro e tan agardado disco de estudio. A onda sonora (chega do interior) é o título dun álbum composto por trece cancións que chegan, como os seus propios autores din, «dun mar quente e profundo, dun océano interior». Un traballo que «esperta os bailes que aínda están por inventar e camiña polas rúas que pisamos aínda que por elas estea prohibido pasear».

O Sonoro Maxín naceu no ano 2007 froito doutros proxectos musicais como Lamatumbá, The Pigmalions ou Mutenrohi. A súa discografía complétase con diferentes recompilatorios, homenaxes e colaboracións con outros artistas.

Ico -voces-, Abraham -guitarras-, Samuel Figueiras -controlador de vento midi e frauta traveseira-, Cristina Asenjo -acordeón-, Xurxo Brea -baixo-, Jaime Mateo -batería- e Marcos Vázquez -percusións- son sinónimo de festa rachada. Esta banda percorre estilos tan variados como a cumbia, o reggae, o rock, o ska, o bolero ou a rancheira. Isto fai que sexa imposible estar parado ante uns músicos que devoran os directos e este sábado terán ocasión de demostralo. A partir das once e media da noite ofrecerán un concerto no Café Dzine, en San Sadurniño, onde a entrada custa 5 euros.

O Sonoro Maxín actuará este sábado no Café Dzine en San Sadurniño (foto: web)

O Sonoro Maxín actuará este sábado no Café Dzine en San Sadurniño (foto: web O Sonoro Maxín)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies