Home / Sociedad / Ocio / Obradoiro este sábado en San Sadurniño para aprender a sacarlle o máximo proveito á GoPro

Obradoiro este sábado en San Sadurniño para aprender a sacarlle o máximo proveito á GoPro

FERROL360 | Mércores 13 xaneiro 2016 | 11:45

Tes unha cámara GoPro e non sabes moi ben como utilizala? Apúntate ao obradoiro que terá lugar este sábado, ás 17:00 horas, na Casa da Xuventude de San Sadurniño para aprender a manexala e sacarlle o máximo partido.

Os participantes coñecerán de preto o funcionamento destas videocámaras deportivas, que teñen grande difusión entre quen practica actividades ao aire libre. Aínda quedan prazas libres e para apuntarse só hai que chamar ao teléfono: 981.490.027 (ext. 1). O obradoiro é gratuíto.

Na sesión abordarase a evolución da GoPro, desde os primeiros modelos ata algunhas das máis recentes. O xornalista e realizador César Galdo explicará as características técnicas destes modelos, a configuración máis axeitada para cada tipo de toma, o fluxo de traballo e tamén as eivas máis destacables.

Tamén haberá tempo para falar dos accesorios existentes para estas cámaras, como soportes, steadicam e estabilizadores electrónicos. E os asistentes comprobarán como se empregan como elemento de captura para imaxes aéreas.

Home Staging

A próxima cita dentro do programa Tempos para compartir chegará o 6 de febreiro da man do interiorista Javier Suárez, que amosará como engadirlle valor a unha vivenda que se queira vender usando técnicas de home-staging.

Que é o home-staging? Preparar a ambientación dunha casa en venda para que lle cause boa impresión a posibles compradores. Esta técnica busca que a casa luza ben nas fotos que despois se publican en páxinas inmobiliarias, pero os consellos Suárez tamén serán de moita utilidade para quen queira converter a súa casa nun lugar máis acolledor.

Suárez é un profesional con reputación e proxectos en toda España, e explicará sinxelas técnicas que abranguen a disposición dos elementos no espazo, a iluminación e mesmo a combinación de cores nas distintas estancias.

Para este obradoiro, que tamén se levará a cabo na Casa da Xuventude, cómpre anotarse axiña porque só se ofrecen 20 prazas. Para inscribirse hai que chamar ao teléfono: 981.490.027 (ext. 1)

Comentar

Su dirección de correo electrónico no será publicada.Los campos necesarios están marcados *

*