Home / Sociedad / Ocio / Ortigueira celebra este domingo a XXIV Xornada Gastronómica de Doces do Entroido

Ortigueira celebra este domingo a XXIV Xornada Gastronómica de Doces do Entroido

FERROL360 | Sábado 22 febreiro 2020 | 12:20

Ortigueira abre o Entroido este sábado cunha xornada con pasarrúas, sesión vermú, xantar popular, verbena e actividades infantís a cargo da Comisión de Festas do Porto de Espasante. A xornada forte terá lugar este domingo pola tarde cunha xornada especialmente adicada ao máis pequenos da casa e aos doces na Alameda de Ortigueira.

Así, está previsto que entre as 18:00 e as 19:00 horas arranque a «XXIV Xornada Gastronómica de Doces do Entroido» na que as persoas participantes deberán entregar os doces na Alameda.

A cita incluirá obradoiros, xogos e un desfile de disfraces na que os nenos e nenas disfrutarán dunha gran festa infantil e os maiores poderán degustar os doces típicos destas datas.

A xornada gastronómica inclúe catro categorías de doces, orellas, bolas, freixós e pistrinos, cada unha delas con dous premios de 100 e 75 euros.

As asociacións tamén poderan optar a un premio de 150 euros se entregan un mínimo de 10 bandexas de doces de distintos socios da entidade.

O vindeiro luns 24 de marzo terá lugar o concurso de disfraces e desfile, con varias categorías e premios. En total haberá un total de 3.775 euros en premios para as categorías de: comparsas; individual, parellas e tríos; grupos de 4 a 10 personas, grupos de máis de11 persoas e premio dos centros sociais.

O desfile sairá da biblioteca ás 21:00 horas ata a carpa da Alameda, onde cada participante representará unha coreografía de non máis de catro minutos.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies