Roteiro polo Cantón de Molíns da man da SGHN este sábado

FERROL360 | Venres 22 abril 2016 | 17:19

Ás veces non é preciso saír da cidade para poder gozar dun agradable paseo polo entorno natural. A Sociedade Galega de Historia Natural amosará este sábado nun roteiro a natureza que nos rodea a cotío no centro urbán e que normalmente pasa desapercibida.

As visitas guiadas, que son de balde e se enmarcan dentro da Feira do Libro, serán no Cantón de Molíns ás 11:30 e 12:30 horas. Non é preciso realizar inscrición previa e desde a SGHN indican que é unha boa oportunidade, tanto para a comunidade educativa como para o público en xeral, de coñecer o medio natural presente en Ferrol.