Home / Sociedad / Educación / San Sadurniño abrirá o día 15 o prazo de prematrícula na Escola Infantil Municipal

San Sadurniño abrirá o día 15 o prazo de prematrícula na Escola Infantil Municipal

FERROL360 | Mércores 3 decembro 2014 | 18:28

Todo listo na escola infantil municipal de San Sadurniño para iniciar a súa actividade, despois de que un equipo de inspección da Consellería de Traballo e Benestar dera o visto bo as instalacións. Así, as familias que desexen apuntar os seus nenos na escola poderán solicitar a prematrícula a partir do día 15.

Para inscribir os pequenos hai que enviar o formulario de solicitude ao correo eim.sansadurnino@gmail.com ou ben entregalo na propia escola os martes e xoves en horario de 10:00 a 13:00 horas e os mércores de 16:30 a 18:30 horas. Se algunha familia non pode entregar o formulario por esta vía, poden facelo no departamento municipal de Servizos Sociais e Igualdade.

O centro ofrece 38 prazas para nenos de entre 3 meses e 3 anos de idade distribuídas por unidades da seguinte maneira: 8 prazas para 0-1 anos, 13 prazas para nenos e nenas de 1 a 2 anos e unha terceira unidade con 17 prazas para idades comprendidas entre os 2 e os 3 anos. Para acceder á escola será necesario que a unidade familiar estea empadroada en San Sadurniño e só se admitirán solicitudes doutros municipios no caso de que haxa vacantes.

A escola infantil municipal de San Sadurniño funcionará de luns a venres cun horario máximo de 8:00 a 20:00 horas, nos que se poderá solicitar xornada completa continuada ou partida, media xornada de mañá, media xornada de tarde e unha xornada de 2 horas.

Ademais tamén existe a posibilidade de botar man de horas complementarias concertadas para todo o mes ou ben solicitar horas extraordinarias para un día concreto. O centro tamén ofrecerá servizo de comedor con almorzo, xantar e/ou merenda, así como actividades educativas complementarias e extraescolares.

Instalacións da escola infantil municipal de San Sadurniño (cedida)

Instalacións da escola infantil municipal de San Sadurniño (cedida)

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies