Ferrol360 Un giro a la actualidad comarcal.
FERROL360 | Xoves 26 setembro 2013 | 19:13
O teatro Jofre fai reconto do seu aforo para acoller En verdad os digo, o novo show inédito en televisión e internet do humorista Goyo Jiménez.
A falta de tres días para a representación, só quedan seis entradas dispoñibles que se poden adquirir no despacho do teatro municipal ou a través da páxina web do consistorio ferrolán.
O monologuista inaugurará así o novo ciclo de monólogos que o Concello de Ferrol ten preparado ata o mes de decembro.
Considerado polo público e a crítica como un dos mellores cómicos do país, fará rir aos asistentes coa súa peculiar e irónica visión da realidade. En verdad os digo tenta ser un reflexo do engano constante que invade á nosa sociedade onde o actor reflexiona arredor da mentira, da fraude e de como chegar a atopar certeiras respostas.
Este domingo, ás 20:00 horas, as risas están aseguradas no Teatro Jofre.
Vindeiros monólogos
Berto Romero e Leo Harlem con Dani de la Cámara visitarán a cidade naval os días 13 de outubro e 1 de decembro respectivamente.
O humorista Goyo Jiménez actuará este domingo no teatro Jofre
