Home / Deportes / Un total de 200 ximnastas participaron no II Campionato de Ximnasia Rítmica Concello de San Sadurniño

Un total de 200 ximnastas participaron no II Campionato de Ximnasia Rítmica Concello de San Sadurniño

FERROL360 | Luns 11 abril 2016 | 16:06

O pavillón municipal de San Sadurniño acolleu esta fin de semana o II Campionato de Ximnasia rítmica Concello de San Sadurniño, no que participaron un total de 200 ximnastas pertencentes ao clube local Brío e agrupacións do resto da provincia e de Lugo.

O Ximnasia Oroso, o Colexio Internacional Eirís e o Ximnasia Compostela coparon a maioría dos podios, aínda que o Brío obtivo unha meritoria segunda posición na categoría prebenxamín por equipos.

A competición comezou cunha exhibición das prebenxamíns de Brío e a partir de aí comezaron as probas, divididas en dúas quendas: primeiro os grupos e, tras un descanso, as individuais. O Ximnasia Rítmica Compostelasubíu en catro ocasións ao podio, vencendo ademais en prebenxamín e alevín individual.

O equipo de Oroso fíxose con cinco trofeos: primeiro e segundo posto en individual infantil, un terceiro en benxamín e dous subcampionatos en alevín e infantil por equipos.

Por último, o Colexio Internacional Eirís venceu en benxamín individual, alcanzou o segundo posto en alevín e destacou no apartado por equipos, cun subcampionato en benxamín e a victoria en alevín e infantil.

O equipo local tivo que conformarse cun subcampionato na categoría prebenxamín por equipos, aínda que deixou claro que, malia ser unha formación relativamente nova, conta cunha canteira con moito potencial.

Comentar

Su dirección de correo electrónico no será publicada.Los campos necesarios están marcados *

*

En Ferrol360 utilizamos cookies para que tengas la mejor experiencia de usuario. Si continúas navegando, estás dando tu consentimiento para la aceptación de las mencionadas cookies y la aceptación de nuestra política de cookies. Puedes pinchar el enlace para tener más información. ACEPTAR
Aviso de cookies